Маълумки, 2022–2023 йилларда буюк мутафаккир ва қомусий олим Абу Райҳон Беруний таваллудининг 1050 йиллиги ЮНEСКО шафеълигида халқаро миқёсда кенг нишонланади. Ўзининг ноёб асарлари ҳамда оламшумул кашфиётлари билан жаҳон илм-фани ва маданияти ривожига беқиёс ҳисса қўшган Абу Райҳон Берунийнинг илмий-маърифий меросини яна-да чуқур ўрганиш ва кенг тарғиб қилиш, ушбу йўналишда тадқиқотлар олиб бораётган етакчи халқаро илмий марказлар билан яқин ҳамкорлик ўрнатиш мақсадига қаратилган бу тадбирга қизғин тайёргарлик кўрилмоқда.