“Маҳалла” хайрия жамоат фондининг Тойлоқ туман бўлими ҳузурида очилган “Саховат ва кўмак” жамғармасига ҳомийлар томонидан озиқ-овқат маҳсулотлари узлуксиз равишда олиб келинмоқда. Мазкур хайрия маҳсулотлари ҳозирга қадар 1251 нафар кам таъминланган ва эҳтиёжманд оилаларга етказиб берилди.
Озиқ-овқат маҳсулотларини қабул қилиб олиш, тақсимлаш ва тарқатишда туман ҳокимлиги, маҳалла ва оилани қўллаб-қувватлаш бўлими ҳамда Ўзбекистон Ёшлар иттифоқи туман кенгаши қошида бирлашган фаол кўнгилли ёшлар жонбозлик кўрсатмоқда.
Хайрия тадбири давом этади.
Тойлоқ туман ҳокимлиги ахборот хизмати.