Davlatimiz suverenitetining ramzlaridan biri – mustaqil O‘zbekiston Respublikasining “Davlat bayrog‘i to‘g‘risida”gi qonuni qabul qilinganligiga 32 yil to‘ldi.
Toyloq tumanida sana munosabati bilan yurish marafoni bo‘lib o‘tdi.
Erta tongdan tuman hokimligi binosi oldiga yig‘ilgan harbiylar, sportchi yoshlar, korxona va tashkilotlar, ichki ishlar xodimlari va milliy gvardiya boshqarmasi otliqlari, texnika vositalari markaziy stadion tomon harakatlandi.
O‘yingohda yig‘ilgan ishtirokchilar dastlab, O‘zbekiston Respublikasi Davlat madhiyasini kuylashdi. Shundan so‘ng, ertalabki badantarbiya mashg‘uloti o‘tkazildi.
Tadbirda Toyloq tuman hokimining o‘rinbosari J. Haqberdiyev so‘zga chiqib, tuman ahlini bayram bilan qutladi.
Tuman madaniyat bo‘limi xodimlari ijrosidagi kuy-qo‘shiqlar barchaga bayram kayfiyatini ulashdi.