Ёш чемпионлар тантанали кутиб олинди

    ЯқиндаТошкентдаги “ЖАР” спорт-соғломлаштириш мажмуасида анъанавий карате-до бўйича Ўзбекистон чемпионати бўлиб ўтди.
Чемпионатда республикамизнинг барча ҳудудий босқичларида 8 та йўналишларида ғолибликни қўлга киритган 5 ёшдан 56 ёшгача бўлган ҳаваскор ва профессионал спортчилар қатнашди. 
   Чемпионат якунига кўра умумжамоа ҳисобида Самарқанд вилояти жамоаси 1-ўринни эгаллаб,  Осиё чимпионатига йўлланмани қўлга киритишди.     

     Қувонарлиси шундаки, ушбу жамоа таркибида Тойлоқ туманидаги 29-30-60-умумтаълим мактабларининг ўқувчилари ҳам бор. 
   Куни кеча 20 нафар спортчилар тантанали равишда кутиб олинди. 60-умумтаълим мактабида ташкил этилган маросимда туризм ва спорт  бўлими бошлиғи Ш.Жўраев, БЎСМ директор И.Кенжаев, мактаб жамоаси ва ота-оналар иштирок этишди. Ёш спортчиларни улкан ютуқ билан қутлаб, 3-сектор раҳбарининг ташаккурномаси ва эсдалик совғалари билан тақдирланди.

Туман ҳокимлиги ахборот хизмати.