Озиқ-овқат маҳсулотларининг арзон, сифатли ва етарлилиги бугунги куннинг энг муҳим талаби ва халқ розилигининг асосий омилларидан бири. Айниқса, муборак рамазон ойида бозорлардаги нарх-наво барқарорлигини таъминлаш, асосий турдаги озиқ-овқат маҳсулотларини арзонлаштириш халқ манфаатларига хизмат қилиши шубҳасиз. 

  Ҳаво ҳарорати мўътадиллашиб, деҳқонларимиз учун ҳам тиғиз мавсум бошланаётган шу кеча-кундузда эртанги ризқ-рўзимиз — ғалладан мўл ҳосил олишга эътибор кучайтирилмоқда. Тойлоқлик фермерлар эл дастурхонини янада тўкин қилиш йўлида астойдил меҳнат қилишмоқда. Бу йил туманда 4375 гектар майдонга сара буғдой уруғи қадалган  бўлиб, бободеҳқонлар 33 минг тонна ғалла етиштиришни ният қилишмоқда.