Бугун 2 май куни Тойлоқ тумани марказидаги “Ёшлар истироҳат боғи”да туман ҳокимлиги, Халқ таълими бўлими ва Республика Маънавият ва маърифат маркази Тойлоқ туман бўлинмаси билан ҳамкорликда “Гуллар ва қушлар” байрами ўтказилди. Тадбирда тумандаги 58 та умумтаълим мактаб ўқувчилар жамоаси ўзларининг экиб ўстирган турли-хил гуллари ва қушлари билан иштирок этишди.
Тадбир ғолибларини, ҳомийлар томонидан китоблар жамламаси ва қимматбаҳо совғалар билан тақдирландилар.

Бугун 2 май куни “Қахрамонлик, бурч ва фидойилик” шиори остида Тойлоқ туманидаги 8-сонли умумтаълим мактабида, мактабнинг собиқ ўқувчиси, “Жасорат” медали соҳиби, божхона кичик инспектори мархум Қодиров Равшан Пўлатович хотирасига бағишлаб спорт турнири бўлиб ўтди. 
Турнир, вилоят божхона бошқармаси, туман ҳокимлиги, туман Мудофаа ишлари бўлими, туман Халқ таълими бўлими ва Республика Маънавият ва маърифат маркази Тойлоқ туман бўлинмаси билан ҳамкорликда ташкил этилди.

Бугун туманнинг Ғулба маҳалла фуқаролар йиғинида маҳалла раиси (оқсоқоли) сайлови ўтказилди. Намунали ташкил этилган сайловда сайлаб олинган вакиллар билан биргаликда тумандаги сектор раҳбарлари, тумандаги 50 та маҳалла фуқаролар йиғинида сайловни ўтказувчи ишчи гуруҳи раҳбарлари таклиф этилди.