Covid-19 пандемиясининг олдини олиш мақсадида жорий этилган карантин даврида асосий турдаги озиқ-овқат маҳсулотларига бўлган талаб ошди. Шу боисдан ҳар кун “Кўчма савдо дўконлари” Тойлоқ туманининг барча маҳаллаларида бўлиб, аҳолига асосий турдаги озиқ-овқат маҳсулотларини арзон нархларда етказиб бермоқда. Ана шундай тадбирлар Ғўлба, Адас, Ўзбекистон, Эски жума, Жумабозор, Файзиобод, Олмазор маҳалларида ҳам ўтказилди.
- Кўчма савдо дўконларининг йўлга қўйилгани аҳолига қулайлик яратмоқда, - дейди Олмазор маҳалласида яшовчи Фахриддин Усмонов. – Туманимизда бозорларнинг ёпилганлиги, қолаверса, транспорт ҳаракати тўхтатилганлиги сабабли озиқ-овқат маҳсулотларини харид қилишда қийинчиликларга дуч келаётган эдик. Мана бугун кўчма савдо дўконидан эҳтиёжимизга яраша озиқ-овқат маҳсулотларини харид қилдик. Биз учун яратилган бундай қулайликдан мамнунмиз.
Тойлоқ туман ҳокимлиги ахборот хизмати.