Махсус имкониятлар
Картошкачилик нафақат дунё деҳқончилигида балки мамлакатимизда жадал ривожланаётган соҳалардан бири ҳисобланади. Хусусан, тойлоқлик миришкор деҳқонлар ҳам картошка етиштириш ҳадисини олган. Чўп суқса, кўкарадиган унумдор ернинг бир қаричини ҳам исроф қилмайдиган ернинг ҳақиқий эгалари бугун республикамизда мева-сабзавот етиштириш бўйича илғорлар сафидан жой олмоқда.
Хусусан, бугун “Мухлисахон нурли замон” фермер хўжалиги деҳқонлари ўзлари етиштир картошканинг ҳар гектаридан 500-600 центнердан ҳосил олишмоқда. Эрта баҳорда картошканинг “аризона”, “эволюшин” навларини экиб, агротехник тадбирларни ўз вақтида бажарган миришкорлар бугун меҳнатлари самарасини кўриб, қувонишмоқда.
21 гектар ер майдонига эга мазкур фермер хўжаликда уруғлик учун 14 гектар майдонга буғдойнинг “Навбаҳор” ҳамда “супер элита” навларини экиб, парваришлашди. Фермер Абдуқодир Равшанов пишиб-етилган ғалланинг ҳар гектаридан 70-80 центнердан ҳосил олишни ният қилиб турибди. Қолверса, 6 қути ипак қуртидан 375 кг сифатли ҳосил олиб, режани 101 фоизга уддалашди.
-Ғалладан бўшаган майдондан “Темир” ва “Ёшлар дафтари”да турган 5 нафар фуқароларга 20 сотихдан ер беришни режалаштирганмиз. Фурсатни қўлдан бой бермай, қолган майдонни шудгорлаб, иккинчи экин экишга ҳозирлаймиз, -дейди А. Равшанов.
Туман ҳокимлиги ахборот хизмати.
